Një taksist është grabitur dhe është mbajtur peng për disa orë nga pronari i lokalit ku ai ishte ulur për të pushuar.
Ngjarja ka ndodhur në Katund të Ri në Elbasan. Taksisti, Aldo Vyshka kishte ndaluar në një lokal të zonës për të pushuar por me vete ai kishte një shumë prej 2 mijë eurosh. Pronari i lokalit, Thanas Bejko e kishte pikasur një gjë të tillë dhe sëbashku me një shokun e tij Ertis Skilja ja kanë marrë me forcë si dhe e kanë mbajtur peng për ta frikësuar që të mos trgojë në polici.
Policia e Elbasanit mori një denoncim për ngjarjen dhe arrestoi dy autorët e krimit.
“Falë veprimeve të shpejta kanë bërë të mundur zbardhjen e ngjarjes, identifikimin dhe arrestimin e autorëve, konkretisht shtetasit: Thanas Bejko., 33 vjeç dhe Ertis Skilja., 42 vjeç, banues në Elbasan (përgjegjësi i lokalit dhe shoku i tij) dhe shtetasit E. I., 20 vjeç dhe E.Gj., 20 vjeç, ( kamarierët e lokalit), të dy banues në fshatin Katund i Ri, Elbasan” njofton policia. /Opinion.al
