Deputeti i Partisë Demokratike, Belind Këlliçi ka reaguar në ‘Facebook’ pas vendimit të gjykatës për vulën e PD-së duke ngritur disa pyetje për qeverinë.
Ai ka thënë se qeveria ka krijuar një mit të rrem se janë të fortë duke pyetur cilat janë arsyet që kapin gjykatën dhe po i japin vulën dikujt që është minorancë në PD.
“Duhet të kuptojmë vetëm kaq, sepse në 2 muaj që jam në tur, në ecje, në dëgjesë, në çdo cep e rrugicë të Tiranës, shoh një nevojë akute për ndryshim, një përkrahje të jashtëzakonshme të qytetarëve, por një frikë nga një mit i rremë që këto kanë krijuar që janë të fortë.
Ore nëse këta janë të fortë, për çfarë i përdorin paratë? Për çfarë e kapin gjykatën? Për çfarë po ia japin vulën dikujt që nuk përfaqëson tashmë shumicën në PD?
Aspak, as minorancën jo dhe për çfarë i bëjnë gjithë këto marifete nëse këta janë të fortë? ”, është shprehur Këlliçi./Opinion.al
