Përfaqësuesi ligjor i grupimit “Alibeaj”, Indrit Sefa i kërkon gjyktës së Apelit të shqyrtojë sa më shpejt ankimin e vulës së PD.
Sefa thotë se tashmë Apeli nuk ka asnjë pengesë për të shqyrtuar çështjen dhe se çdo vonesë është e pajustifikueshme.
“Gjykata e Apelit tashmë nuk ka asnjë pengesë për ti dhënë fund konfliktit gjyqësor për legjitimitetin e drejtimit të Partisë Demokratike. Partia Demokratike i kërkon Gjykatës që të shqyrtojë sa më shpejt ankimin e paraqitur nga ana e saj. I ftojë të gjitha palët ti kërkojnë Gjykatës së Apelit të Juridiksionit të Përgjithshëm të shpallë dhe të gjykojë këtë çështje në një kohë sa më të shpejt. Çdo vonesë tashmë është e pajustifikuar”,-shprehet Sefa.
Çështja e vulës së Partisë Demokratike do të shqyrtohet nga gjyqtarja Elona Mihali. Pas mbledhjes së shortit u caktua Mihali për çështjen në fjalë. Ndërkohë, anëtare do të jenë Irida Kacerja e Astrit Kalaja. Prej kohësh PD është përfshirë në një debat se kujt i takon drejtimi i kësaj partie, grupit të Alibeajt apo atij të Berishës.
