Kryedemokrati Sali Berisha akuzon kryeministri Edi Rama se po ndërhynë në Gjykatën e Apelit lidhur me çështjen vulës dhe logos së PD.
Në Klan News, Berisha tha se “kanë dalë mesazhe se Olta Xhaçka i ka shkruar një ambasadori se “është vendosur me gjykatësin për këtë çështje”.
Edhe pse “Apeli” do të vendos më 3 mars për fatet e logos dhe vulës së PD, Berisha thekson se protesta nuk ka si qëllim të ushtroj presion ndaj gjykatës.
“Nuk mund të ndodhë që gjykata t’ia japë vulën palës tjetër. Është absolute një gjë e tillë. Është e qartë se ku është PD, ku është opozita se si PD ka respektuar statutin. Nuk besoj se 3 gjykatësit do të gjykojnë për një palë që nuk ka qenë kurrë palë. Nuk do të pranojnë kurrë që të përjashtojnë pluralizmin.
Ky është revolucion. Ne jemi të përgatitur për proceset zgjedhore. Nuk mund të ketë stabilitet Shqipëria me Edi Ramën. Ne e ndjekim procesin zgjedhor. Ka shkelje, por ne nuk e bojkotojmë procesin. Ne do vazhdojmë revolucionin dhe do të marrim pjesë në zgjedhje.
Ka ndërhyrje të Ramës në këtë proces. Kanë dalë mesazhe se Olta Xhaçka i ka shkruar një ambasadori se “është vendosur me gjykatësin për këtë çështje”. Është edhe deklarata e Taulant Ballës në parlament për këtë.
Protesta nuk ka asnjë qëllim me gjyakten. Protesta vazhdon pavarësisht vendimit të gjykatës. Nuk është presion ndaj gjykatës. Kemi një armik dhe ky është Edi Rama. Ky është vlerësim që ka çdo shqiptar.
Nesër është një ditë shumë e rëndësishme për parlamentin. Nesër bëhet transparenca e “Ëatergate” të këtij shekulli. Rama shëtit si një kufomë e pakallur që kur ka dalë skandali McGonigal” – tha Berisha.
