Presidenti i Serbisë, Aleksandar Vuçiç, ka nisur edhe një fakultet, ka njoftuar “b92.net” të shtunën. Vuçiç, në fakt ka treguar në profilin në “Instagram” për regjistrimin në fakultetin e ri.
Ka paraqitur indeksin dhe një top të vogël basketbolli. Ai është shprehr se ndihet i lumtur që pas një kohe të gjatë po fillon në realizimin e një ëndrre të vjetër.
“Për herë të dytë në jetë jam bërë student, këtë herë në shkollën e lartë të studimeve sportive, me dëshirë që të bëhem trajner i basketbollit për fëmijë. Nuk do të besonit se sa i lumtur jam që pas shumë vjetësh po filloj me realizimin e ëndrrave djaloshare”,-ka shkruar Vuçiç.
Sipas “b92.net”, Vuçiçi e ka të kryer Fakultetin Juridik në Beograd. Pasion i Vuçiç është i ngjashëm me atë të kryeministrit shqiptar, Edi Rama, i cili asnjëherë nuk e ka fshehur dëshirën për këtë sport/Opinion.al
