Presidenti i Serbisë, Aleksandër Vuçiç, ka qenë ditën e sotme në Paris teksa ka diskutuar nga afër me homologun e tij, Emmanuel Macron.
Ndër të tjera, bëhet me dije se në takimin dypalësh është diskutuar edhe për Kosovën, transmeton Tanjug.
“Çështja e Kosovës dhe Metohisë është një çështje shumë e rëndësishme për ne dhe nuk është aspak e lehtë. Të gjithë duhet të punojmë për arritjen e një zgjidhje kompromisi për të dy palët, gjë që nuk ka qenë deri më tani. Unë kam qenë gjithmonë i gatshëm ta dëgjojë presidentin Macron dhe idetë e tij. Le të përpiqemi t’i afrohemi një marrëveshjeje. Unë do t’ia paraqes platformën tonë presidentit Macron dhe jam i sigurt se do të kemi një marrëveshje të ndershme dhe të hapur dhe se do të arrijmë diçka në të ardhmen”, tha Vuçiç.
Presidenti i Francës, Emmanuel Macron falenderoi Vuçiçin për vizitën dhe i ofroj sportin e tij në rrugën e normalizimit dhe arritjes së paqes.
“Llogarisni në dyert e mia, e unë do të vazhdojë të jem me ju derisa të arrijmë përparim në këtë rrugë, në rrugën e normalizimit, por edhe në rrugën që na sjellë stabilitet e paqe në rajon dhe e di se ky është synimi i juaj. Ne do të bëjmë gjithçka që mundemi për të qenë me popullin e Serbisë”, tha Macron./Opinion.al
