Vucic: S’kam vendosur nëse do ta shoh ndeshjen me Ramën

BEOGRAD– Kryeministri i Serbisë, Aleksandër Vucic, dy ditë para ndeshjes Shqipëri-Serbi thotë se nuk e ka vendosur ende nëse do të vijë të shohë ndeshjen në Elbasan Arena, edhe pse kohë më parë kishte deklaruar pjesmarrjen. Duke folur për mediat serbe, Vucic ka thëne se po pret të njihet me të ftuarit e tjerë të Ramës në këtë ndeshje. “Nuk kam vendosur ende nëse do të shkoj të shoh ndeshjen sepse po pres të shoh se kush do jetë tjetër atje. Pres ta marr këtë informacion nga zyra e Kryeministrit shqiptar Edi Rama”. Kështu është shprehur Vucic teksa ka shtuar se ekipin e tij do ta presë në takim nesër një ditë para nisjes për në Tiranë.