Presidenti i Serbisë, Aleksandër Vuçiç, gjatë një konference për media ka folur edhe për zgjedhjet lokale që pritet të mbahen më 17 tetor në Kosovë.
Vuçiç në fjalën e tij u ka bërë thirrje të gjithë serbëve që jetojnë në Kosovë të dalin masivisht në zgjedhje dhe të votojnë.
Ndër të tjera Vuçiç u shpreh se një thirrje të tillë e bën edhe përkundër veprime të Kosovës, duke përmendur këtu futjen e çmimeve anti-dumping për disa produkte të Serbisë.
“Serbët duhet të jenë të bashkuar, të shkojnë në votime sa më shumë të jetë e mundur dhe të luftojnë për të drejtat e tyre, ata vetë, për vendin e tyre, që të përfaqësohen institucionalisht, kur është e nevojshme, të jenë në gjendje të reagojnë në institucione në mënyra të ndryshme”, ka thënë Vuçiç.
Kujtojmë se më 17 tetor, datë e vendosur nga Presidentja Vjosa Osmani, në Kosovë do të mbahen zgjedhjet lokale për të gjitha komunat e saj./Opinion.al
