Presidenti i Serbisë, Aleksandër Vuçiç ka deklaruar se Shtetet e Bashkuara të Amerikës dhe BE po i bëjnë presion Serbisë për të njohur pavarësinë e Kosovës.
“Për ne është e rëndësishme që Serbia të mos jetë nën panik, ne e kemi parandjerë se çfarë është duke ndodhur’’, tha Vuçiç në një intervistë televizive.
Më tej ai vijon duke thënë: “kjo nismë vjen në të njëjtën kohë me vizitën e komisionerit Lajçak në Beograd, dy javë para rinisjes se dialogut. Për rastësitë nuk i besojmë. Kemi pritur presione të fuqishme. Është e nevojshme që Serbia të mbështetet pas muri, për shkak të interesve të tyre gjeopolitike, dhe jo vetëm për njohjen e të ashtuquajturës Kosovë. Por, edhe për shkak të ndalimit të Serbisë në zhvillim ekonomik’’.
Kreu i shtetit serb ka treguar më tepër detaje lidhur me presionet e jashtme. ‘’BE dhe Amerika na bëjnë presion, zgjidhja e tyre është njohja e ndërsjellë me Kosovën. Atyre nuk u pengon të na ofendojnë, të krijojnë çfarëdo non-papers, e në fund mua më akuzojnë për to’’, theksoi ai./Opinion.al
