Presidenti i Serbisë, Aleksandër Vuçiç reagoi për herë të parë për takimin e radhës që u zhvillua një ditë më parë në Bruksel dhe që përfundoi sërish pa asnjë marrëveshje.
Lideri serb u shpreh se ishte i sigurt që në fillim se kryeministri i Kosovës do të refuzonte gjithçka që kishte të bënte me asociacionin, para se të ndodhte njohja.
“U jam mirënjohës njerëzve në Bashkimin Evropian e bënë të qartë se kush është përgjegjës. Iu siguroj se nuk do të bëj asgjë që do të dëmtonte interesat e Serbisë”, tha Vuçiç
Raundi i fundit i dialogut në Bruksel ndërmjet presidentit të Serbisë, Aleksandër Vuçiç dhe kryeministrit të Kosovës, Albin Kurti, përfundoi pa përparim në normalizimin e marrëdhënieve.
Ky ishte takimi i parë mes dy liderëve pas shpërthimit të dhunës në veri të Kosovës në fund të majit.
