Presidenti i Serbisë, Aleksandër Vuçiç ka paralajmëruar një takim të radhës në Bruksel, në të cilin do të jetë edhe Kryeministri i Kosovës, Albin Kurti.
Ai ka thënë se ky takim do të ndodhë brenda dy-tre ditësh, por që ka shtuar se nuk mund të flasë më gjatë për agjendën.
“Agjenda është në vijë me atë që kemi diskutuar me ‘pesëshen e madhe’, por nuk mund të flasë për atë”, ka thënë Vuçiç.
Ndërkohë Vuçiç thekson se detyra e tyre është të mbrojnë Serbinë nga të gjitha masat e mundshme që mund të ndërmerren ndaj saj.
“Detyra jonë është që ta mbrojmë Serbinë nga të gjitha masat e mundshme dhe nga kapitullimi i shtetit dhe interesave kombëtare. Unë besoj se do të kemi sukses”, shtoi ai.
Vuçiç i bëri këto deklarata sot gjatë një vizite në një qendër spitalore ne Liskovc, shkruan klankosova.
