Presidenti i Serbisë, Aleksandar Vuçiç, ka deklaruar se shpreson për një zgjidhje kompromisi me Kosovën, për çështjen e targave dhe dokumenteve serbe.
Në postim në Instagram, Vuçiç tha se bisedimet do të vazhdojnë, me shpresën për të arritur një zgjidhje kompromisi, të paktën për një pjesë të vogël.
“Besoj se në ditët në vijim do të mund të arrijmë një zgjidhje kompromisi, të paktën për një pjesë të vogël, pasi është e qartë se sa i përket tavolinave dhe disa çështjeve më të mëdha, një zgjidhje e tillë nuk mund të arrihet”, tha Vuçiç.
Ai ka bërë këto deklarata pas diskutimeve që ka pasur me të dërguarin e posaçëm të Bashkimit Evropian për dialogun mes dy vendeve, Mirosllav Lajçak dhe të dërguarin amerikan për Ballkanin Perëndimor, Gabriel Escobar.
Kryeministri i Kosovës, Albin Kurti dhe presidenti serb, Vuçiç janë takuar më 18 gusht në Bruksel, por takimi nuk ka pasur ndonjë rezultat konkret.
Takimet e tyre janë mbajtur pas tensionimit të situatës në veri të Kosovës më 31 korrik, meqë serbët lokalë kanë vënë barrikada si shenjë pakënaqësie ndaj hapit të Qeverisë së Kosovës për zbatim të vendimeve për targat dhe dokumentet serbe.
