Asnjë përgjegjësi nuk ka mbajtur presidenti serb Aleksandër Vuçiç lidhur me ngjarjet e rënda që prekën sot veriun e Kosovës. Përkundrazi, Vuçiç ka bërë përgjegjës Kryeministrin e Kosovës Kurti, si organizator të kaosit në Kosovë.
“Askush s’ka patur nevojë ta bëjë këtë. Kurti është organizatori kryesor i kaosit në Kosovë.
Është diçka e pabesueshme, 10 serbë kanë qenë në rrethim të plotë dhe është zbatuar një sulm frontal ndër ta. Sipas vlerësimeve tona, në bazë të asaj çka disponojmë, 3 serbë është konfirmuar nga Kosova dhe Metohia e kanë pësuar. Sipas informatave 2 nga pushka snajper nga një largësi e madhe kur nuk ka qenë e nevojshme të likujdohet, 2 janë plagosur rëndë dhe ka dyshime se dhe personi I katërt e ka pësuar. Është pikëpyetje nëse 1 person ka mbijetuar sepse nuk i kanë dhënë ndihmë. Kemi incizimin sesi qeshin policët dhe thonë: Lëreni, se nuk ka nevojë ta ndihmojmë”, u shpreh Vuçiç./Opinion.al
