Presidenti Aleksandër Vuçiç është shprehur në Kuvend se nuk do e nënshkruaj njohjen e pavarësisë së Kosovës, duke thënë se këtë do ta bëjë dikush pas tij.
“Nuk jam dezertor, nuk do të iki dhe as nuk do ta nënshkruaj njohjen e Kosovës. Këtë do ta bëjë dikush pas meje, por ne nuk mund të mashtrojmë popullin”, theksoi Vuçiç në seancë plenare kushtuar dialogut me Kosovën.
Vuçiç i ka bërë thirrje deputetëve të bëhen bashkë dhe të kuptojnë se si është realisht situata me Kosovën, duke shtuar që me rëndësi është të kuptohen faktet. Vuçiç tha para ligjvëvësve serb se kryeministri i Kosovës, Albin Kurti është i papërgjegjshëm dhe se rrezikon paqen./ Opinion.al
