Presidenti i Serbisë, Aleksandër Vuçiç ka folur për situatën në veri të Kosovës si dhe për sulmin e 24 shtatorit.
Në një deklaratë për mediat në Granada të Spanjës, Vuçiç ka thënë se Serbia e ka ulur prezencën e saj ushtarake pranë kufirit në 4.4 mijë ushtarë.
Gjatë fjalës së tij ai theksoi se duhet të jetë Serbia ajo që duhet të vendosi sanksione dhe nuk po e bën këtë gjë.
“Është çështje e standardeve të dyfishta ndaj Serbisë. Neve na takon të flasim, nuk duam sanksione ndaj askujt. Ne duam që serbët në Kosovë të kenë një jetë normale, për zhvillim, për më shumë investime. Ndërsa për disa të tjerë, jeta dhe politika bazohet në ato gjëra që mund të bëjnë kundër Serbisë. Sanksione?! Po pastaj? E kemi ulur numrin e pranisë tonë ushtarake afër linjës administrative me Prishtinën nga 8.5 mijë ushtarë në 4.4 mijë nëse nuk gaboj. Sot njerëzit tanë bashkë me përfaqësuesit amerikanë dhe europianë kanë shkuar për ta parë këtë, për ta konfirmuar.
Më pas Vuçiç iu referua hapave të ardhshëm, duke thënë se është e nevojshme një zgjidhje e bazuar në realitet dhe kompromise.
“Ne kemi nevojë për zgjidhje të bazuara në realitet dhe kompromise, jo diçka që dikush ëndërron pa i dhënë asgjë palës tjetër. Kemi ulur numrin e ushtarëve në vijën administrative. Ne jemi për paqen dhe prosperitetin e Ballkanit Perëndimor”, tha Vuçiç.
Ai shtoi se sonte pas orës 23:00 do të thotë diçka më shumë për seancën e nesërme të Këshillit Evropian, ku si pikë e veçantë është përfshirë edhe situata në Kosovë dhe Metohi.
Ndërkohë u takua me kryeministrin e Britanisë së Madhe Rishi Sunak, presidentin e Ukrainës Volodymyr Zelensky, kryeministrin e Spanjës Pedro Sánchez, Viktor Orban të Hungarisë dhe shumë liderë të tjerë evropianë./Opinion.al
