Presidenti i Serbisë Aleksandar Vuçiç eshte shprehur se në axhendën e bisedimeve në Bruksel do të futet edhe Gazivoda. Ai ka thënë se duhet marrëveshje që Kosova ta shfrytëzojë ujin nga ky liqen.
“Gazivoda flet për betejat e rënda që i kemi me shqiptarët. Por shpresoj që do të merremi me shfrytëzimin e ujit, pasi shumica e Kosovës e merr ujin nga këtu. Kështu që duket se këto gjëra do të zgjasin edhe për një kohë të gjatë, por detyra jonë para se gjithash është që të ruajmë paqen dhe të tentojmë të afrohemi drejt gjetjes së ndonjë zgjidhjeje, edhe pse mendoj se ky është proces pa kthim, të cilën nuk do të mund ta përfundojë as kjo gjeneratë e politikanëve, e as tjetra dhe gjenerata e tretë mund ta përfundojë. Me rëndësi është që të shikojmë në të ardhmen, pasi mendoj se kufijtë do të jenë më pak të rëndësishëm kur të bëhemi pjesë e Evropës”, deklaroi Vuçiç.
Vuçiç ka komentuar edhe deklaratën e kancelares gjermane Angela Merkel për mosndryshim kufijsh në Ballkan: “Fuqia ime është minimale krahasuar me atë të Merkelit, lideres më të madhe në Evropë, por kjo nuk do të thotë se nuk mund t’i ndihmojmë popullit tonë. Ne jemi të vegjël për t’u përgjigjur kësaj pyetjeje”, tha Vucic.
Presidenti serb pas shume polemikash vizitoi sot veriun e Kosoves dhe u ndal edhe ne liqenin e Ujmanit (Gazivoda). A do te qendroje neser ne Mitrovicen e Veriut.
