Presidenti i Serbisë Aleksandar Vuçiç përmes një video në rrjetin social “Instagram” ka folur se interesi i shtetit serb vjen përpara interesit partiak dhe se duhet të qëndrojnë të bashkuar për një të ardhme të mirë.
“Shteti i Serbisë dhe interesat e saj gjithmonë duhet të jenë para atyre partiake dhe individuale. Vetëm të bashkuar mund të luftojmë për një të ardhme më të mirë të vendit tonë”.
Ai akoma e cilëson Kosovën si pjesë e Serbisë.
“Të nderuar qytetarë të Serbisë, para dy ditësh thash të vërtetën për të gjitha problemet, me të cilat po ballafaqohemi në lidhje me Kosovën, nuk ju fsheha asgjë, po ashtu ju thashë si dhe sa kemi luftuar dhe si kemi ndërmend të luftojmë në të ardhmen për vendin tonë”, tha Vuçiç.
Presidenti theksoi se u ka ofruar të gjithë aktorëve politikë që t’i njohin presionet dhe gjithçka që po përballet Serbia, shkruan Kosovo-Online.
“Kanë thënë se nuk duan të flasin, ose të paktën një pjesë e mirë e tyre, por duan një demonstratë publike, një shfaqje për veprimin e tyre politik. Më vjen keq që nuk e kuptuan se shteti është më i rëndësishëm se interesat politike të ndonjë partie dhe të cilitdo prej nesh. Gjithsesi, është detyra ime të respektoj parlamentin dhe t’i plotësoj të gjitha kërkesat. Do të paraqitem në Kuvendin Kombëtar, do t’i përgjigjem të gjitha pyetjeve dhe do të luftoj për Kosovën dhe Serbinë tonë. Vetëm së bashku dhe të bashkuar mund të luftojmë për një të ardhme më të mirë për vendin tonë”, ka thënë Vuçiç në Instagram./Opinion.al
https://www.instagram.com/reel/Cn1kQUIjOk7/?utm_source=ig_web_copy_link
