Presidenti i Serbisë ka bërë të ditur se do të lejojë eksportin e grurit të kontraktuar nga Shqipëria sa më shpejt që të jetë e mundur.
Ndër të tjera ai tha se eksporti do të fillojë me çdo vend të rajonit, sepse Serbia ka mjaftueshëm nga gjithçka, që do të thotë se kështu do të jetë edhe për vendet e rajonit.
Duke iu përgjigjur pyetjeve të gazetarëve në Vranjë, Vuçiç deklaroi se gruri, vaji, mielli e sidomos misri janë gjithnjë e më të kërkuar në rajon dhe në botë.
Ai ka shpjeguar se Serbia ka disa marrëveshje të vjetra, por edhe disa të reja për eksportin e deri në 350 mijë tonë grurë, por ai tha se ka kërkuar nga Qeveria e Serbisë që të ndalojë eksportin, sepse 800 mijë tonë do të vendosen në rezerva mallrash.
“Kërkesat e para zyrtare që morëm ishin në përputhje me ato marrëveshje të nënshkruara me Shqipërinë. Për këtë po flasim tani dhe do të lejojmë eksportin e grurit në Shqipëri sa më shpejt që të jetë e mundur. Kjo u zgjidh në një kohë të shkurtër”, tha Vuçiç./Opinion.al
