Një gjumë i mirë ndikon pozitivisht në shëndetin e njeriut, sikurse e kundërta ndikon negativisht. Klinika e Cleveland ka bërë një studim ku ka dalë në konkluzionin se të paktën 70 milion njerëz vuajnë nga pagjumësia apo çrregullimet e gjumit. Rreth gjysma e këtyre njerëzve kanë vështirësi, por 10% kanë pagjumësi akute.
Por problemet me pagjumësinë shpesh lidhen me një sërë zakonesh apo ushqimesh që ne konsumojmë. Nëse keni probleme me pagjumësinë, provoni të shmangni këto ushqime në orët para gjumit. Nëse kjo nuk funksionon, atëherë është mirë të konsultoheni me një profesionist.
-
Fasule
Janë të vështira për t’u tretur dhe mund të shkaktojnë fryrje stomaku dhe parehati. Kështu është mirë t’i shmangni ato para se të flini. Mundohuni të hani fasule për drekë që të lejoni trupin tuaj që t’i tresë.
-
Agrumet
Harvard Health Publishing vëren se agrumet të tilla si limon, portokall dhe qitro mund të krijojnë urth. Urthi gjatë natës është një fajtor i zakonshëm kur bëhet fjalë për problemet e gjumit.
-
Ushqime me erëza
Një tjetër kontribuues i gjumit që krijon urth është ushqimi pikant. Salca e nxehtë dhe djegëse mund të jetë ndër ushqimet tuaja të preferuara, por ato duhet të shmangen para shtratit për një gjumë më të mirë.
-
Ushqime të dendura me ujë
Selinoja, shalqi dhe trangujt janë të gjitha ushqime të shëndetshme që meritojnë një vend në dietën tuaj. Këto ushqime gjithashtu përmbajnë shumë ujë. Uji para shtratit siguron që ju të zgjoheni gjatë natës shumë shpesh për të urinuar kështu që bëni një gjumë të shqetësuar./E.L
