Vritet “truri” i sulmeve në Paris

Mediat e huaja raportojnë se “truri” i sulmeve të 13 nëntorit në Paris, Abdelhamid Abaaoud është vrarë. Lajmi është publikuar nga gazeta Belge ‘Derniere Heure’ por nuk konfirmohet nga autoritetet në Paris. Dyshohet se tre persona kanë mbetur të vdekur gjatë operacionit për kapjen e të dyshuarve për terrorizëm. Operacioni është zhvilluar për rreth 7 orë, që në 04:00 të mëngjesit në periferi të Parisit në Saint Denis dhe objektiv ka qenë pikërisht kapja e trurit të atentateve të së premtes, Abdelhamid Abaaoud. Ndërkohë mediat raportojnë se janë arrestuar 7 persona dhe se të plagosur kanë mbetur disa agjentë. Ndërkohë raportohet se një grua kamikaze është vrarë pak para se të shpërthente eksplozivin.