Udhëheqësi i Al-Kaedës, Ayman al-Zawahiri u vra në një sulm me dron nga Shtetet e Bashkuara të Amerikës. Lajmi është konfirmuar nga presidenti i vendit, Joe Biden.
Ayman al-Zawahiri u vra në një operacion kundër terrorizmit të kryer nga CIA në kryeqytetin afgan, Kabul të dielën. “Tani drejtësia është vendosur dhe ky lider terrorist nuk është më,” tha Biden.
Zawahiri mori drejtimin e Al-Kaedës pas vdekjes së Osama Bin Ladenit në vitin 2011. Ai dhe Bin Laden komplotuan së bashku sulmet e 11 shtatorit dhe ai ishte një nga terroristët më të kërkuar të SHBA-së.
Zyrtarët thanë se Zawahiri ishte në ballkonin e një shtëpie të sigurt kur droni qëlloi dy raketa drejt tij. Ndër të tjera, zyrtarët thanë se gjatë momentit të sulmit ndaj Zawahirit, ishin të pranishëm dhe familjarët por nuk u lënduan.
“Vrasja e 71-vjeccarit të Al-Kaedës ndodhi pas shumë muajsh planifikimi”, tha Biden. “Vrasja e tij do të mbyllë familjet e rreth 3,000 viktimave të sulmeve të vitit 2001”, shtoi Biden.
“Pavarësisht se sa kohë duhet, pavarësisht se ku fshiheni, nëse jeni një kërcënim për popullin tonë, Shtetet e Bashkuara do t’ju gjejnë dhe do t’ju nxjerrin jashtë,” tha Biden, duke shtuar se nuk do reshtë kurrë së mbrojturi kombin dhe njerëzit e tij.
Ndër të tjra, Biden tha se Zawahiri kishte organizuar gjithashtu akte të tjera dhune, duke përfshirë sulmin vetëvrasës të destrojerit detar USS Cole në Aden në tetor 2000, i cili vrau 17 marinarë amerikanë dhe sulmet e vitit 1998 ndaj ambasadave amerikane në Kenia dhe Tanzani, në të cilat 223 persona vdiq.
Ai këmbënguli se Afganistani nuk do të bëhet më kurrë një strehë e sigurt për terroristët. Ndërsa, një zëdhënës i talebanëve e përshkroi operacionin amerikan si një shkelje të qartë të parimeve ndërkombëtare, por nuk e përmendi Zawahirin.
“Veprime të tilla janë një përsëritje e përvojave të dështuara të 20 viteve të fundit dhe janë kundër interesave të Shteteve të Bashkuara të Amerikës, Afganistanit dhe rajonit”, shtoi zëdhënësi.
Megjithatë, zyrtarët amerikanë pohuan se operacioni kishte një bazë ligjore.
Vrasja e Zawahirit vjen gati një vit pasi trupat amerikane përfunduan tërheqjen e tyre nga Afganistani me urdhër të presidentit Biden, duke i dhënë fund një pranie ushtarake 20-vjeçare atje.
Sipas një marrëveshjeje paqeje të vitit 2020 me SHBA-në, talebanët ranë dakord të mos lejojnë al-Kaedën ose ndonjë grup tjetër ekstremist të veprojë në zonat nën kontrollin e tyre.
Megjithatë, talebanët dhe al-Kaeda janë aleatë prej kohësh dhe zyrtarët amerikanë thanë se talebanët ishin në dijeni të pranisë së Zaëahirit në Kabul.
Sekretari amerikan i Shtetit Antony Blinken tha se duke pritur dhe strehuar Zaëahirin në Kabul, talebanët kishin “shkelur rëndë” marrëveshjen e paqes.
