Një 27-vjeçar ka humbur jetën pasi është qëlluar aksidentalisht me armë gjahu nga shoku i tij në vendin e quajtur “Malet e Obokut” në Maqellarë të Dibrës.
Fillimisht 27-vjeçari G.K. ka mbetur i plagosur, por më pas humbi jetën në spital. Ndërkohë, policia ka bërë shoqërimin e autorit.
Po ashtu, Policia ka sekuestruar edhe armën e gjahut, të llojit çifte.
“Rreth orës 14:45, në vendin e quajtur “Malet e Obokut”, Maqellarë, shtetasit R. XH. dhe G. K, kanë qenë për gjueti. Shtetasi R. XH., 18 vjeç dyshohet se nga pakujdesia ka plagosur me armë gjahu çifte shtetasin G. K., rreth 27 vjeç, banues në Maqellarë, i cili ka humbur jetën në spital.
Menjëherë shërbimet e Policisë dhe grupi hetimor kanë shkuar në vendngjarje dhe kanë bërë shoqërimin e autorit të dyshuar në Komisariat, për veprime të mëtejshme hetimore, si dhe kanë sekuestruar në cilësinë e provës materiale armën e gjahut çifte”, njofton Policia./ Opinion.al
