Autoritetet kolumbiane kanë akuzuar një shtetas amerikan i dyshuar për vrasjen e një DJ femër në Kolumbi, trupi i së cilës u zbulua brenda një valixheje në fund të një kontejneri plehrash.
John Poulos u arrestua dhe u ndalua në Aeroportin Ndërkombëtar Tocumen në Panama të martën ndërsa po përpiqej të largohej për në Stamboll, ka thënë Policia Kombëtare e Panamasë.
Gjatë një seance gjyqësore të transmetuar në televizion në Bogota, që zgjati më shumë se pesë orë, Poulos foli përmes një përkthyesi duke mohuar akuzat, të cilat lidhen me vdekjen e Valentina Trespalacios, 23 vjeç, një DJ e njohur e muzikës elektronike.
Trupi i Trespalacios u gjet nga një riciklues në orët e para të 22 janarit në një kontejner plehrash në jugperëndim të Bogotas.
Në një seancë të mëparshme të enjten, gjykata u informua se ka patur një marrëdhënieje midis Trespalacios dhe Poulos.
Shtetasi amerikan është duke u hetuar për vrasjen e 23-vjeçares kolumbiane.
Poulos për t’u mbrojtur tha se ka patur probleme në arrestimin e tij dhe se procesi i rregullt nuk ishte respektuar.
Prokuroria dhe policia kolumbiane thonë se kanë më shumë se 300 orë filmime sigurie në të cilat Poulos dhe Trespalacios shihen disa ditë përpara se të gjendej trupi i saj.
Seanca tjetër është vendosur të zhvillohet në 31 janar./Opinion.al
