Nga Antonio Ferrari
Epoka e mediave sociale, ku shpifja është shumë më rezultative se sa një krim me armë zjarri, që ndodhi në Ankara kundër ambasadorit rus, na sjellë përsëri një histori romantike të së kaluarës. Mendimi i parë, shkon tek revolucionari Gravilo Princip që vrau arkidukën Franc Ferdinand të Austro-Hungarisë, në Sarajevë. Vrasja e të cilit shkaktoi Luftën e Parë Botërore.
Vrasja e ambasadorit rus në Turqi, Andrey Karlov, diplomat karriere, është e pabesueshme në dinamikën e saj. Diplomati i një vendi të madh, kishte shkuar për të prezantuar një ekspozitë fotografike. Një impenjim i zakonshëm, sepse përmes asaj ekspozite, në fakt, ai kërkonte të tregonte se si turqit e shohin Rusinë. Karlov, foli, në një mjedis të qetë dhe të sigurtë. Ai kishte truprojet e tij, zgjedhur me një kujdes të madh për njerëz të rëndësishëm, pas tij, qëndronte një djalë i ri, 22-vjeçar edhe ai ishte një truprojë, veshur me kostum dhe kollare, ku askush nuk u lejua t’a ndalojë. Ishte duke pushuar, por dihet, që edhe duke pushuar, për sigurinë i nënshtrohesh kontrolleve të hekurta.
Imazhet jane tronditëse: “Ambasadori rus po flet dhe polici 22-vjeçar e vëzhgon. Pastaj nxjerr pistoletën, qëllon në ajër dhe në fund duke thirrur; “hakmarrje për Aleppo”, qëllon dhe vret. Skenë filmi, që sot, në kontekstin dramatik media-oriental që shumë vëzhgues refuzojnë t’a kuptojnë, por sipërfaqësor, radikalizëm francez apo injorancë. Tingëllon si një alarm shumë i rëndë. Hipotezat janë dy, vetëm dy, ose presidenti-sulltan nuk mund të kontrollojë të vetët. Ose helmi ekstremizmit islamik, që ka shpërndarë me bujari dhe injektuar në popullin që i rri më afër, po ia prish planet.
Erdogan, n’a pëlqen apo jo, ka kërcyer mbi Titanikun e dykuptimsisë. Ka mbështetur xhihadistët sirian me ekstremist, duke filluar nga ISIS, ka bërë pazare me prerësit e fytit, ka shfrytëzuar pothuajse heshtjen e NATO-s, ka shfrytëzuar hezitimin e Perëndimit për të krijuar një plagë, e tani po paguan çmimin e dyfytyrsisë së tij të paturpshme. Të lutem Erdogan, mos na thuaj se një polic truprojë afër ambasadorit ka ikur nga kontrolli, i ka ikur mendja. Kam pasur edhe unë eskortë për dy vite dhe jam një gazetar i thjeshtë dhe vleja pothuajse asgjë, por ata që më mbronin kishin kaluar shumë provime, duhet ta dish z.Sulltan dhe mos u tall me ne.
Burimi: Corriere Della Sera
