Dy djem me origjinë shqiptare, 17 dhe 19 vjeç janë arrestuar gjatë natës në Prato të Italisë, pasi akuzohen se janë të përfshirë në një vrasje të ndodhur mbrëmjen e 8 majit.
Sipas mediave italiane, ata dyshohet se kanë vrarë një 37-vjeçar shqiptar Vladimir Lleshi, si pasojë e një konflikti që mbetet ende i paqartë.
Dy të rinjtë janë marrë në pyetje nga zv.prokurorja Valentina Cosci, së cilës i kanë raportuar se takimi me viktimën ka ardhur për disa mesazhe të dërguara për një vajzë.
Dy të rinjtë kishin lënë të takoheshin me Lleshin, i cili, sipas asaj që thanë djemtë, do të mbërrinte në shoqërinë e dy burrave të tjerë.
Prej aty ka nisur një debat dhe ka ndodhur një tentativë sulmi nga të tridhjetë vjeçarët.
Pas kësaj, të rinjt kanë sulmuar me kaçavidë 37-vjeçarin dhe e kanë vrarë.
Goditja e marrë në zemër rezultoi fatale për 37-vjeçarin.
Ai u dërgua menjëherë në spital pas ngjarjes, por ndërroi jetë si pasojë e plagëve të marra.
Krimi ndodhi në kopshtet e Via Corridonit, në zonën e Via Liliana Rossi.
