Një 33-vjeçare është vrarë me armë zjarri të mërkurën rreth orës 02:26, më rrugën “Dalip Alshiqi”, në Prishtinë. Mësohet se Liridona Murseli humb jetën pasi u qëllua me armë nga një grabitës.
Në raport bëhet e ditur se në makinë ishin edhe bashkëshorti dhe dy fëmijët e tyre. “Raportohet se viktima femër kosovare, derisa ka qenë me bashkëshortin dhe dy fëmijët e tyre me veturë, një person i panjohur i armatosur i ka ndaluar dhe ua ka kërkuar të gjitha gjërat me vlerë dhe është qëlluar me armë zjarri për vdekje. Lidhur me rastin është intervistuar bashkëshorti i saj, dëshmitari mashkull kosovar i cili kishte arritur të largohet nga vetura me dy fëmijët e tyre”, thuhet në raport.
Njësitë policore, prokurori dhe ndihma e shpejtë urgjente kanë dalë në vendin e ngjarjes, nga mjeku është konstatuar vdekja e viktimës. Po ashtu me urdhër të prokurorit trupi i pajetë i viktimës është dërguar në IML për obduksion.
