DURRËS- Një 29 vjeçar është gjetur i vrarë gjatë natës në fshatin Manëz të Durrësit. Policia e Shtetit njoftoi se fillimisht është gjetur mjeti i tij i gjakosur dhe më pas trupi i pajetë.
Sipas policisë, rreth orës 02:00, në fshatin Shkallë, Manëz, nga Patrulla e Policisë, është gjetur i braktisur automjeti tip BMV me targa AA 938 DR, në pronësi të shtetasit Arben Hasa 29 vjeç, banues në fshatin Karpën, Maminas. Në automjet janë gjetur njolla gjaku, 2 copë fishekë dhe një gëzhojë automatiku.
Ndërkohë, në orët e para të mëngjezit, në fshatin Manëz të Vjeter është gjetur trupi i pajetë i shtetasit Arben Hasa.
