Një 23-vjeçar shqiptarë është vrarë me armë zjarri në Milano nga bashkatdhetarë i tij.
Mësohet se ka qenë një 34-vjeçar që qëlloi ndaj bashkatdhetarëve të tij dhe si pasojë e të shtënave një 23-vjeçar shqiptar humbi jetën, ndërsa një 30-vjeçar u plagos.
Sipas Corriere della sera, dyshohet se shkak i konfliktit ka qenë një grua.
“Festa e ditëlindjes, disa gota dhe përpjekjet për t’iu afruar një gruaje”, shkruan Corriere.
Ngjarja e e rëndë ndodhi rreth orës 23:30 pranë rrugës numër 8 të via Allea Comunale, në qendër të qytetit të vogël në provincën e Milanos, rreth 20 kilometra nga Legnano.
Tre shqiptarët e përfshirë në sherr kanë qenë pjesë e një grupi shqiptarësh që festonin ditëlindjen. Duket se gjatë festës një nga të rinjtë e pranishëm ka shfaqur interes ndaj një gruaje.
Për këtë arsye ka lindur një sherr i cili më pas ka rezultuar në të shtëna me armë, të cilat përfunduan në tragjedi.
Sipas rikonstruksionit të ushtarakëve të kompanisë Legnano, 34-vjeçari ka nxjerrë armën dhe ka qëlluar fillimisht 30-vjeçarin, duke e lënë të plagosur. Më pas pjesëmarrësit e tjerë të festës rrethuan sulmuesin, i cili qëlloi disa herë të tjera dhe një nga plumbat kapi 23-vjeçarin.
I riu ka ndërruar jetë pak orë më vonë në spitalin e Legnano-s, pasi plumbi i kishte dëmtuar arterien karotide.
Autori i dyshuar u arrestuar, ndërsa karabinierët kanë sekuestruar pamjet filmike në zonë për të bërë të mundur zbardhjen e plotë të rrethanave të ngjarjes.
