Randall Coffland, një 48-vjeçar vrau vajzat e tij binjake në shtëpinë e tyre në Chigaco të premten në mbrëmje, përpara se të qëllonte në këmbë gruan e tij Anjum Coffland, që të jetonte dhe të vuante edhe me shumë kur të merrte vesh se vajzat kishin vdekur.
Pasi mori shërbimin e emergjencës në telefon, ai pranoi krimin duke thënë: “Sapo qëllova dhe vrava dy fëmijët e mi dhe gruan dhe tani do të vras veten”. Në momentin që policia mbërriti në vendin e ngjarjes gjeti dy binjakët Tiffany dhe Brittany pa jetë, ndërsa nëna e tyre u dërgua në spital, pa rrezik për jetën. Arsyeja e këtij akti të rëndë mbetet ende e paqartë, ndërsa nëna e vajzave mësohet se po bashkëpunon me autoritetet për të zbardhur ngjarjen.
