Në foton e mësipërme shfaqet 58-vjeçarja Diana Vuka, e cila u vra me armë zjarri nga vëllai i saj, Fabian Vuka.
Mbrëmjen e djeshme policia arrestoi në oborrin e shtëpisë 55-vjeçarin Fabian Vuka, i cili pasi ka vrarë motrën e tij e ka mbajtur trupin e pajetë për dy ditë në shtëpi.
Diana Vuka u gjet nga policia e vdekur në dhomën e gjumit, ndërsa mësohet se 55-vjeçari e qëlloi me silenciator. Krimi dyshohet se ka ndodhur në kushtet kur 55-vjecari ishte në gjendje të dehur pas një debati mes tij dhe së motrës.
Ndërkohë që pas ngjarjes mësohet se 55-vjeçari mëngjesin e së shtunës doli në lagje në gjendje të dehur duke iu thënë fqinjëve, “kam vrarë motrën, e kam në shtëpi të vdekur”, po për shkak të gjendjes se tij fqinjët nuk e kanë besuar.
Ngjarja e rëndë që tronditi Shkodrën ka ndodhur në lagjen “3 heronjtë”, pranë shkollës “Ndoc Mazi” në Shkodër. Në banesën e 55-vjeçarit u gjet edhe një krehër pistolete zastava pa fishekë, një krëhër automatiku pa fishekë dhe një silenciator automatiku./Opinion.al
