Gjykata e Shkallës së Parë Vlorë ka vendosur burg përjetë për Ritvan Zykajn.
24-vjeçari u dënua për vrasjen e tetë familjarëve të tij, midis tyre edhe dy fëmijë në fshatin Resulaj të Selenicës më 10 gusht 2018.
Pasi kreu masakrën, Ritvan Zykaj, kishte vënë në dijeni kushëririn e tij duke i dërguar si provë një video të një prej viktimave. Më pas ai u arratis në fshat dhe u kap nga policia vetëm gjatë orëve të para të mëngjesit të 11 gushtit. Teksa qëndronte në arrati ai nisi komunikimin në rrjete sociale madje sfidoi hapur edhe policinë.
Zykaj nuk ka shfaqur pendesë as pas arrestimit, teksa ka pranuar vrasjen për shkak se sipas tij, e kishin akuzuar padrejtësisht për vjedhjen e disa pulave gjatë një dreke familjare, pas së cilës ndodhi edhe vrasja e tetë-fishtë./Opinion.al
