Gjykata ka dhënë masën e sigurisë ‘Arrest me burg’ për Esat Canin, i cili vrau të dashurin e motrës së tij të martuar pak ditë më parë në Zall Bastar të Tiranës. Ndërkaq e motra Elida Cani si edhe Dëfrim Kurti bashkëshorti i Elidës, janë lënë në arrest shtëpie.
Policia dyshon se vrasja ndodhi pasi Esat Cani kapi në një kasolle motrën e martuar me viktimën që ishte baba i tre fëmijëve. Deri më tani sipas policisë, autorët e dyshuar të ngjarjes kanë dhënë dëshmi kontrakditore, por nuk e kanë pranuar krimin.
Elida Cani është shprehur se nuk kishte lidhje jashtëmartesore me Arben Gjeçin, por ky i fundit e ngacmonte dhe i priste rrugën shpesh.
Megjithatë Elida Cani ka thënë para hetuesve se nuk i kishte dhënë asnjë lloj afrimiteti Arben Gjeçit.
Ndërsa Esat Cani, që dyshohet si vëllai vrasës, ka pohuar se ditën e ngajrjes ka pasur një debat me Arben Gjeçin, por nuk është ai që e ka qëlluar.
Vështirësia që po has policia është gjetja e objektit më të cilin viktima është goditur, edhe pse disa veshje të viktimës janë gjetur pranë banesës së autorit të dyshuar të ngjarjes./E.L
