20-vjeçarja Sabrina Lekaj studentja shqiptare e mjekësisë u vra në korrik të këtij viti nga babai i saj, shqiptaro-australiani, Petrit Lekaj.
Mediat e huaja kanë shkruar se Lekaj,i cili akuzohet për vrasjen e së bijës ka qenë i dënuar rreth 20 vite më parë për shpërndarje droge.
Mësohet se një raport i detajuar i mëparshëm sqaronte historinë kriminale të Lekajt. Sipas publikimit lidhjet e tij me drogën datojnë në gusht të vitit 1996, ku ai është dënuar për përfshirjen në shitjen e substancave të ndaluara.
49-vjeçari ka kaluar të paktën 2 vite në burg. Më pas në vitin 2007 ai është dënuar me 200 dollarë gjobë për posedim kanabisi.
Gjithashtu edhe dy më vonë, në shtator të vitti 2009 ai u gjobit sërish me 900 dollarë pasi kishte kultivuar disa bimë narkotike.
Lekaj aktualisht është në proces gjyqësor për vrasjen e vajzës së tij, të cilën e ka pranuar se e ka vrarë. Sabrina u gjet më 20 Korrik e pa jetë në makinën tip ‘Mercedes’.
Brenda në makinë ishte i plagosur edhe i ati, i cili pasi kishte qëlluar të bijën kishte tentuar të vetvritej, sipas hetuesve.
Lekaj ka pranuar se e ka vrarë të bijën, për motive të dobëta, ndërkohë që seanca e radhës gjyqësore ndaj tij do të zhvillohet më 4 Shkurt.
Përveç procedimit penal, për 49-vjeçarin është kryer edhe një ekspertizë lidhur me shëndetin e tij mendor, ndërkohë që po qëndron në një institucion të specializuar./Opinion.al/
