Është zbardhur dëshmia e Marius Demës, 28-vjeçari i cili më 10 maj vrau në Tiranë me armë zjarri shokun e tij, Mhemet Qema 27 vjeç.
Dema ka thënë para autoriteteve se armën e ka gjetur mbi tavolinë dhe dhe se e ka marrë atë për të luajtur, por teksa ia ka drejtuar Qemës arma është shkrepur dhe e ka qëlluar atë në gjok, duke i shkaktuar vdekjen.
28-vjeçari është shprehur i penduar se gjithçka që ka ndodhur ka qenë e pavullnetshme dhe se Mehmet Qemën e ka pasur si vëlla. Ai ka thënë se në asnjë moment nuk ka pasur konflikt me viktimën.
“Mbrëmjen e 10 majit rreth orës 22:30 po qëndroja jashtë lokalit tek rruga “5 maji’, bashkë me disa shokë të mi, Erlin Pekën, Mehmet Qemën, Frenkli Myftarin, Blerim Hotin, Xhuliano Koçi. Xhuliano ishte pak i spostuar nga tavolina ku por qëndronim. Pasi kisha pirë pak me shokët gjatë kohës që po luaja dhe po bëja shaka me Xhulianon dhe me Met Qemën, me një armë pistoletë që e kisha gjetur, pa dashje kam shkrepur armën dhe e kam qëlluar aksidentalisht Metin. Metin e kam pasur si vëlla dhe shumë shok të ngushtë dhe nuk kam pasur me të asnjëherë në asnjë rast konflikt dhe për këtë që ka ndodhur jam shumë i penduar. Shkrepja e armës ka ndodhur në mënyrë të pavullnetshme dhe nuk e dija se arma me të cilën po qëlloja kishte fishekë në të”, ka thënë 28-vjeçari Dema.
Ai ka deklaruar se ishte shumë i tronditur nga ana psikike dhe mbante mend se arma kishte qenë në tavolinë dhe ai e kishte marrë për të luajtur me të dhe çdo gjë kishte qenë aksidentale.
“Për momentin isha komplet i tronditur dhe u largova nga vendi i ngjarjes dhe armën e hodha në afërsi të një servisi që ndodhej aty pranë, pastaj vetëm kam qarë gjatë gjithë kohës. Metin e kisha shumë shok dhe shumë mik”, ka rrëfyer 28-vjeçari./ Opinion.al
