Kronikë

Vrau shokun e fëmijërisë në Astir, Gjykata lë në burg Noel Dishin


Bëhu pjesë e Grupit Zyrtar të Opinion.al
>> KËTU <<
               Publikuar në : 11:15 - 25/01/20 |
el ida

Gjykata e Tiranës ka caktuar masën “arrest me burg” për 29-vjeçarin Noel Dishi, për veprën penale “vrasje me dashje”. I riu akuzohet për vrasjen e ish-mikut të tij të fëmijërisë, Vilson Tafçiu, mbrëmjen e 20 janarit në zonën e Astirit.Nga ana e tij, Dishi ka pranuar krimin si dhe motivet që e çuan drejt aktit të rëndë.

Ai tregoi se është marrë peng dy vite e gjysmë më parë në Durrës, ku u mbajt në një bagazh makine nga tre persona dhe pas disa orësh u la i lirë në Vorë. Asokohe, rrëmbimi u hetua nga Krimet e Rënda por me shkrirjen e tyre dosja i kaloi Prokurorisë së Durrësit.

Ditën që ka ndodhur ngjarja ai ka qenë në Prokurorinë e Durrësit ku ka dhënë shpjegime në lidhje me rrëmbimin e tij dhe pas deklarimeve, ka komunikuar në telefon me Tafçiun dhe e kanë lënë që të takohen tek një lokal në zonën e Astirit, pikërisht aty ku ndodhi ngjarja. Sipas tij gjatë debatit, Vilsoni e ka kërcënuar dhe ofenduar, gjë që e çoi drejt aktit fatal.

“Debatuam me Vilsonin dhe ai më tha se do ta bëj me keq se sa ta kanë bërë. Do të mbaj në bagazh të makinës dhe do ta thyej kokën. Më pas edhe më shau. Më ofendoi nga familja. Tentova të largohesha por ai vijonte me të njëjtën mënyrë. Atëherë e kam qëlluar .U trondita kur kuptova se cfarë bëra.” ka deklaruar Dishi sot në gjykatë.

Ndërkohë, arma e krimit dhe celulari i Dishit nuk janë gjetur nga policia./Opinion.al

Pas