Është zhvilluar ditën e sotme në Gjykatën e Shkallës së parë Lushnjë seanca për masën e sigurisë për Sofokli Shani, autor i vrasjes se Rako Qorrit dhe plagosjes së djalit të viktimës Kejdi Qorri.
Bëhet me dije se para gjykatës Shani ka pranuar akuzën e vrasjes dhe ka theksuar se e ka kryer aktin në gjendje të dehur, teksa Gjykata vendosi burg pa afat për autorin e ngjarjes. Autori i një vrasjeje dhe një plagosjeje ka kërkuar gjykim të shkurtuar.
Theksohet ndër të tjera se Shani është sjellë në ambientet e gjykatës në orën 9:30 minuta ku gjyqtarja Ersida Bajgori ka dëgjuar palët, përkatësisht prokuroren e çështjes Merita Selimi dhe avokatin e caktuar Edvin Agolli.
Kujtojmë se vrasja ka ndodhur mbrëmjen e së mërkurës në fshatin Fier i Ri, Krutje Lushnjë./Opinion.al
