Alfred Marku, 31 vjeçari që vrau 28-vjeçaren Elteva Ndoka (Dodaj) është shfaqur i heshtur para trupit gjykues. Edhe pse ditë më parë u raportua se kishte kërcënuar familjarët e viktimës në ambientet e policisë, sot në gjykatë nuk ka pranuar të flasë. Seanca me dyer të mbyllura, ku u caktua masa “arrest me burg”, zgjati pak minuta, pasi autori ka thënë vetëm një fjali: “Jam shumë i tronditur, nuk mund të flas”.
Alfred Nikolli qëlloi me plumba pistolete Etleva Ndokën brenda parukerisë së saj në qytetin e Lezhës, ditën premte të javës që kaloi. Ai u largua nga vendi i ngjarjes por u kap disa orë më pas në fshatrat e Mirditës. Paraprakisht thuhet se autori me viktimën kanë qenë në një marrëdhënie jashtëmartesore, por ka dyshime edhe për konflikte pasurie, pasi dyshohet se Nikolli i kishte blerë parukerinë 28 vjeçares. Etleva Ndoka ka lënë pas një fëmijë të mitur.
