Daniele Bedini, i akuzuar për vrasjen e shqiptares Nevila Pjetri dhe transeksualit 43-vjeçar Carlo Bertolotti gjatë marrjes në pyetje shfrytëzoi të drejtën për të mos u përgjigjur.
Mëngjesin e sotëm Bedini banues në Carrara nuk iu përgjigj pyetjeve të gjyqtarit hetues Garofalo, gjatë një lidhjeje në distancë nga burgu i Spezias ku ndodhet.
35-vjeçarja shqiptare u vra mes natës së 4 dhe 5 Qershorit, në Marinella di Sarzana dhe 24 orë më vonë u vra edhe transeksuali i njohur ndryshe si Camilla, që u gjet rreth 3 kilometra më tutje. Të dyja viktimat ishin rrahur e më pas ishin ekzekutuar me plumba pistolete në kokë.
Ansa.it shkruan se arma e përdorur, është e kalibrit 22, si pistoleta që babai i Bedinit e kishte denoncuar të vjedhur, por që nuk është gjetur ende nga autoritetet.
Nevila Pjetri dyshohet se u vra gjatë një grabitjeje. Sipas hetuesve, tridhjetë vjeçari kërkonte para për të blerë drogë kur ekzekutoi 30-vjeçaren, ndërsa Camila me gjasa sepse ishte dëshmitare e vrasjes së parë.
