Gjykata e Tiranës ka caktuar masën “arrest në burg”për mësuesen 40-vjeçare të Gjuhës Shqipe, Marsela Pushani, e cila akuzohet për vrasjen e motrës së saj Amanda Pushani në Tiranë.
E penduar ajo ka thënë në gjykatë se nuk ka dashur të vrasë të motrën, por se gjithçka e ka bërë për vetëmbrojtje pasi viktima e kishte kërcënuar teksa ishte në gjendje të dehur.
Marsela Pushani ka kërkuar masë më të butë sigurie, me pretendimin se duhet të kujdeset për nënën e moshuar.
Gjithashtu, avokati i saj i ka kërkuar gjykatës arrest shtëpie dhe ndryshim të kualifikimit të veprës së “vrasjes në kapërcim të kufijve të mbrojtjes së nevojshme”.
Në dëshminë e dhënë, autorja është shprehur se nuk beson se 37-vjeçarja ndërroi për shkak të goditjeve me thikë.
Sipas 40-vjeçares, Amanda konsumonte deri në tre litra raki dhe ditën që ndodhi ngjarja u konfliktuan për shkak se kishte blerë disa shishe birrë edhe pse kishte premtuar se do të hiqte dorë nga alkooli.
Ngjarja ndodhi mëngjesin e së dielës, ku policia njoftoi se arriti të zbardhë vrasjen e 37 vjeçares, e cila më herët ishte deklaruar si vdekje natyrale nga familjarët. Por ekspertiza zbuloi se e reja kishte një plagë me thikë në bark, që i shkaktoi dhe vdekjen.
