Policia ka arrestuar 22 vjeçarin, Fatjon Keta, i cili ditën e sotme vrau me thikë Arlind Pashën në Bulqizë.
Mësohet se ngjarja e rëndë ka ndodhur pas një konflikti për motive të dobëta, i cili më pas degjeneroi deri në përdorimin e thikës.
Pasi u qëllua me thikë, Arlind Pasha u transportua për në spital, por ai nuk ka mundu t’u mbijetojë plagëve të marra duke ndërruar jetë gjatë rrugës.
Po ashtu, bëhet me dije se Fatjon Keta para se të qëllonte për vdekje me thikë 21-vjeçarin kishte dhunuar në banesën e tij nënën dhe motrën e tij. Pas këtij konflikti, ai kishte marrë thikën dhe kishte dalë nga banesa.
Duke iu referuar të dhënave, Fatjon Keta dhe Arlind Pasha njiheshin me njëri-tjetrin dhe se ata shoqëroheshin çdo ditë bashkë. Ndërkohë, dyshohet se Keta ishte person problematik dhe përdorues i lëndëve narkotike.
Njoftimi i policisë
Bulqizë
Kapet në kohë rekord nga Policia autori i ngjarjes së ndodhur në Bulqizë. Policia e Bulqizës pas rreth 1.30 minuta në ndjekje të autorit, ka bërë të mundur kapjen dhe arrestimin e autorit të plagosjes me thikë të 21 vjeçarit i cili humbi jetën gjatë transportimit për në spital. Si rezultat i një pune të mirë organizuar Policia e Bulqizës në bashkëpunim me Strukturat e D.V.P. Dibër, në qytetin e Ri Bulqizë kapi shtetasin F.K, 22 vjeç, banues në Bulqizë, i cili gjatë një konflikti të çastit për motive të dobta plagosi me thikë me pasojë vdekjen shtetasin A.P, 21 vjeç, banues në Bulqizë. Në Komisariatin e Policisë Bulqizë është shoqëruar për tu marrë në pyetje edhe vëllai i autorit të dyshuar , shtetasi E.K, i cili ka qenë prezent në konflikt gjatë ndodhjes së konfliktit. Materialet hetimore do ti kalojnë Prokurorisë së Rrethit Gjyqësor Dibër për veprime të mëtejshme./ Opinion.al E.Xh.
