Burg pa afat ka caktuar Gjykata e Fierit, për Xhuljano Mihon, 39 vjeçarin i cili dy ditë më parë vrau me thikë 23 vjeçarin Xhimi Baka, pasi ky i fundit bashkëjetonte me ish gruan e tij.
Ngjarja ndodhi të premten në lagjen “11 Janari”, në Fier, ku Xhuljano Mihaj ka debatuar ashpër me bashkëjetuesit e ish-gruas së tij. Kjo e fundit nënë e dy fëmijëve, ishte larguar prej disa muajsh nga banesa dhe jetonte me 23-vjeçarin.
I pyetur në seancë 39-vjeçari ka thënë para akuzës dhe gjyqtarit se ai nuk ka pasur thikë me vete, dhe se ia ka marrë viktimës 23 vjeçarit Xhimi Bakaj teksa janë përleshur me njëri – tjetrin.
“Pikërisht për debate të herë pas hershme e kërcënime që kam pasur nga viktima unë e kam denoncuar tre herë në policinë e Fierit. Nuk doja ta vrisja, çdo gjë ka ndodhur në zënkë e sipër, jam bërë pishman për çfarë ka ndodhur, u kërkojë ndjesë familjarëve të viktimës”, ka thënë ai në sallën e gjyqit.
