Të tjera detaje kanë dalë në lidhje me vrasjen e 61-vjeçarit, Menduh Shaban Kurt-Deda, ngjarje e zbardhur pas pesë vitesh nga Policia e Shtetit.
Mësohet se policia ka ndaluar dy persona. Ata janë Gazmir Ngota 39 vjeç dhe Marjeta Karaj 56 vjeç, ndërsa në kërkim është djali i kësaj të fundit, Besmir Karaj 34 vjeç, i cili ndodhet në Itali.
Sipas Ballkanweb, Marjeta Karaj është qendrës “Ndihmë dhe kujdes për fëmijët jetimë të ushtarakëve, brenda dhe jashtë vendit”. Po ashtu mësohet se viktima ishte pjesë e kësaj qendre, ndërkohë që kishte lidhje intime me Karajn.
Një borxh i pakthyer ka qenë shkak i ngjarjes rëndë. Mësohet se 61-vjeçari i detyrohej 10 milionë Lekë të vjetra Marjeta Karajt.
Për të marrë paratë, Marjeta Karaj, djali i saj dhe shoku i djalit Gazmir Ngota 39 vjeç kishin lënë takim në 2017 tek zona e Xhamllikut me Menduh Shaban Kurt-Dedën. Aty e morën me forcë e çuan në zonën e Alliasit, ku e dhunuan.
Prej andej, Besmir Karaj dhe shoku i tij Gazmir Ngota 39 vjeç e dërguan me makinë 61-vjeçarin në një zonë të pyllëzuar në Kodër Shupal, ku e lidhën, e dhunuan dhe e dogjën me lëndë djegëse duke i shkaktuar vdekjen.
Dy të arrestuarit dhe i shpalluri në kërkim akuzohen për vrasje me dashje të kryer në bashkëpunim.
