Fatah Melloul, 27-vjeçari algjerian i cili vrau Klajdi Bitrin para disa ditësh në Itali do të mbetet në burg pa afat.
“Një subjekt i rrezikshëm, me paaftësi totale për të mbajtur dhe menaxhuar agresionin dhe zemërimin, me natyrë hakmarrëse dhe hakmarrëse”, kështu e ka cilësuar gjykatësi 27-vjeçarin.
Algjeriani ka refuzuar të flasë për autoritetet duke mos dhënë versionin e tij për ngjarjen e rëndë, ku ai i mori jetën me një shtizë peshkimi të riu shqiptar pas një konflikti të çastit për motive të dobëta.
Nga dëshmitë e mbledhura, mësohet se të gjithë pasagjerët e tre makinave të përfshira në konfliktinqë shpërtheu në via Cilea, për shkak të një ngadalësimi të trafikut, askush nuk e pa momentin në të cilin algjeriani goditi 23-vjeçarin në gjoks, duke e vrarë menjëherë.
Kujtojmë që pas vrasjes algjeriani është larguar me makinë me të dashurën e tij, por u kap vetëm disa orë më pas nga autoritetet italiane.
Sipas mediave italiane i riu shqiptar ka ndërhyrë për të shuar sherrin ku ishte përfshirë shoku i tij. Sherri ka ndodhur pasi makina ku ndodhej autori i vrasjes kishte bllokuar trafikun dhe nuk po i jepte përparësi automjeteve të tjera.
Trupi i të riut shqiptar do të kthehet në Shqipëri pasditen e sotme, do të hipet me anije nga porti i Ankonës.
Edhe sot, në orën 18, do të ketë një marshim paqësor, i cili do të nisë nga Piazza Cavour në Piazza Roma, ndërkohë varrimi I tij do të bëhet në Shqipëri./Opinion.al
