Të tjera detaje janë zbuluar nga krimi brenda familjes mëngjesin e 1 Janarit, ku një 34 vjeçar qëlloi për vdekje kunatin e tij 42 vjeç.
Mësohet se autori Klajdi Shundi, ka qëlluar burrin e motrës së tij Vladimir Zvezhda. Ky i fundit kishte shkuar me bashkëshorten në banesën e autorit për të festuar ndërrimin e viteve. Duket se gjithçka ka nisur me një debat, pas konsumimit të alkoolit. Më tej situata është rënduar në përplasje fizike, ku mësohet se në gjendje të dehur Shundi ka qëlluar me thikë në qafë kunatin e tij, i cili ka ndërruar jetë në spital.
Ngjarja ka ndodhur në lagjen “5 maji” në kryeqytet në orën 3:45 të mëngjesit ndërsa autori është arrestuar nga policia./Opinion.al
