Një 53-vjeçar është ndaluar nga policia e Lushnjes, pasi vrau kalin e tij duke e goditur disa herë me çekan dhe më pas postoi videon e dhunimit në rrjete sociale.
Policia njofton se ka nisur procedimi në gjendje të lirë për shtetasin D. Gj., 53 vjeç, banues në Lushnjë, për veprën penale “Keqtrajtimi i kafshëve”.
53-vjeçari është shfaqur në një video të publikuar në rrjete sociale, duke goditur me sende të forta një kale, por më pas u pendua dhe e fshiu.
“Specialistët për Hetimin e Krimeve të Komisariatit të Policisë Lushnjë referuan materialet në Prokurori dhe nisi procedimi në gjendje të lirë për shtetasin D. Gj., 53 vjeç, banues në Lushnjë, për veprën penale “Keqtrajtimi i kafshëve”, pasi ky shtetas është shfaqur në një video të publikuar në rrjete sociale, duke goditur me sende të forta, një kafshë shtëpiake (kalë)”, thuhet në njoftimin e policisë./Opinion.al
