Autori i dhunimit për vdekje të 55-vjeçarit në Vlorë, Rei Meta, rezulton të jetë djali i anëtares së Këshillit të Lartë të Prokurorisë, Nurihan Metës.
Sipas News24, ngjarja ndodhi pas një konflikti mes autorit dhe viktimës, në një qendër interneti.
Si pasojë e goditjes me grushte, 55-vjeçari ka ndërruar jetë. Ndërkohë pak orë pas ngjarjes, është vënë në pranga Rei Meta.
Afro tre orë pas ngjarjes policia njoftoi se arrestoi në zonën e Lungomares autorin.
Dyshohet se konflikti mes viktimës dhe autorit ka nisur për pronësinë e një apartamenti.
Grupi hetimor i ngritur për këtë rast ka sekuestruar pamjet filmike të kamerave të biznesit ku ndodhi vrasja me qëllim zbulimin e dinamikës së ngjarjes.
Ngjarja ndodhi pranë Gjykatës së Shkallës së Parë në Vlorë, rreth orës 11:45, në lagjen “Hajro Çakërri”.
