Një version i ri po qarkullon në media lidhur me arsyet e vrasjes së 20-vjeçares Caroline në sy të foshnjës së saj nga bashkëshorti grek Babis Anagnostopoulos.
Janë ngritur dyshime se Anagnostopoulos është përfshirë në trafikun e lëndëve narkotike. Mediat e lidhin këtë version me faktit e pasurisë piloti disponon, ndërsa rroga e tij nuk i justifikon blerjet e pronave dhe pasuri të tjera të paluajtshme. Skenari se Babis Anagnostopoulos nuk është konfirmuar zyrtarisht nga policia greke.
“Policia greke dyshon se Babis Anagnostopoulos e vrau gruan në mënyrë që t’i “mbyllte gojën” kur nëna e re zbuloi se ai po e përdorte helikopterin e tij për të transportuar drogë” shkruan “Mirror”.
“Blerja e fundit e një ngastre toke me vlerë 170,000 euro” sipas “Mirror” por edhe “pushimet luksoze, të tilla si udhëtimi i fundit në Dubai, duket se kanë bërë që oficerët e policisë të besojnë se piloti mund të jetë i përfshirë në trafik droge” thuhet më tej në artikull.
Një tjetër burim i tha “The Sun” se kohët e fundit piloti po e mbikëqyrte gruan e tij dhe madje kishte instaluar një aplikacion gjurmimi në telefonin e saj celular për të kontrolluar lëvizjet. Piloti ka mohuar akuzuat, por edhe thashethemet për përfshirjen e një personi të tretë në marrëdhënien e tij me Caroline.
