Gjykata e Durrësit ka vendosur masën e sigurisë “arrest me burg” për Lulzim Cukun, i cili pak ditë më parë vrau bashkëshorten e tij, Majlinda Cuku, 33 vjeçe.
Ngjarja e rëndë ndodhi mbrëmjen e të shtunën në banesën e familjes Cuku në Xhafzotaj të Durrësit. Ai ka deklaruar se dyshonte se kur shkonte në Greqi për të punuar, ajo mund ta tradhtonte pasi ishte e bukur dhe më e re se ai.
Pas krimit, 45 vjecari u largua nga vendngjarja, ndërsa disa orë më pas u vetëdorëzua në policinë e Burrelit.
Ndërkohë, është zbardhur edhe dëshminë e vajzës së tyre 10- vjeçare. Vajza ishte dëshmitare e ngjarjes dhe i ka komunikuar prokurores se babai i saj Lulzim Cuku, e tërhoqi nënën nga tualeti deri tek dera ndërkohë që ajo ishte e mbytur në gjak.
Ajo thotë se u zgjua natën e 2 shkurtit për shkak të të qarave të së motrës, ndërkohë ka dëshmuar se Lulzim Cuku e rrihte vazhdimisht Majlinda Cukun. Sot para Gjykatës së Durrësit Lulzim Cukut i është komunikuar edhe masa e arrestit me burg./ Opinion.al
