Alket Arapaj vrau dje me armën e shërbimit gruan e tij Ervilma Seferi, në banesën ku jetonin, në katin e katërt të një apartamenti në Allias.
I pyetur nga grupi hetimor, lidhur mbi shkaqet që e çuan në vrasjen e bashkëshortes, gardisti, tha se dyshonte se gruaja e tradhëtonte.
“Gruaja nuk më tregonte të vërtetën, nuk ishte e sinqertë. Për gjërat që e pyesja gruaja nuk më jepte një version. Kur ikja në punë dyshoja se gruaja takohej me persona të tjerë”, mësohet të jetë rrëfyer Arapaj.
Burime pranë grupit hetimor bëjnë me dije, se Arapaj ka paraqitur gjatë gjithë kohës një gjendje të paqëndrueshme psikologjike.
Arapaj nuk ka dhënë detaje të tjera lidhur mbi atë se çfarë ka ndodhur mëngjesin e ditës së djeshme.
Çifti kishte nga lidhja një vajzë 3 vjeçare, e cila është marrë në kujdestari nga familja e nënës. Dl
