Gjykata e Tiranës ka lënë burg Alban Mnerin i cili mori jetën fqinjit të tij Nikolin Stakës, pasi e goditi me grushte.
51-vjeçari nuk e ka mohuar konfliktin, por është shprehur se ai ka qenë në gjendje të dehur gjatë momentit të ngjarjes.
Por, ky pretendim i tij është hedhur poshtë nga akuza, pasi sipas prokurorisë nuk ka rezultuar se ai ka qenë i dehur kur është konfliktuar me viktimën.
Kujtojmë që, ngjarja ndodhi pasditen e 30 Korrikut në rrugën “Sulejman Pitarka” në kryeqytet, ku autori fillimisht po debatonte me një grua. Shkak i debatit u bë një vend parkimi që Mneri pretendonte se e zotëronte dhe se ishte pronë e tij.
